فوقوا بقى يامصريين

مصر رايحه ....وألا جايه
مصر جايه .....وألا راحه
اللي أنا شايفـــــــه بعينيه
واللي حاصل ..وبصراحه
الكبير مالوهش هيبـــــــه
والعيال ..آخر وقاحـــــــه
كل يوم عاملين مظــاهره
كل يوم عاملين مناحـــــه
سته إبريلي ..أنـــــــاركي
دول دعاة فوضي وإباحه
مصر تعبت جد منهـــــــم
مصر محتاجة إستراحــه
*****
اللي عامل فيهـــــــــا ثاير
واللي طالع لي بضفــــاير
واللي نــُص لسانه طـــاير
خلوا دم الشعب فـــــــــاير
خلوا جرح القلب غــــــاير
هـُمــــــــا دول ثوار يناير؟
هـُمــــا دول فجر البشاير؟
وألا دول صيـّع في ساحه
*****
مصر شابت وألا شابـّــــه
مصر غـِرقت وألا قــَبــّــه
ياللي حمــّـل..ياللي عبــّـا
ياللي داري..ياللي خبــّـــا
سيبوا مصر يا خلق..حَبه
المفاسد .....مش نصاحه
*****
يا شباب مصر الأصيــل
خــّلوا بالكوا.. م العميل
في العـراق باع الفـُرات
جــاي هنا يبيعك..يا نيل
جاي يسـّلم ..كل حاجــه
لل لعينه.......إسرائيــل
مش هاتاخد أي حاجــه
لو عملت المستحيــــــل
كل ست وكل راجـــــــل
مستعد يموت قتيــــــــل
بس ما يشوفش الخيانه
فيك يا نايب " عزرائيل "
ياللي جاي ع الشر ناوي
مصر ما هش مستباحـه
*****
يا شبابنا الحُـــــر..هـِموا
قبل ما يلدغكوا سـِمُــــه
اللي خد أمريكا ..أمُـــــه
عمر مصر ما تبقي هَمه
يا سلام ..علي تـُقل دمـه
واللسان..معدوم فصاحه
*****
يا شباب مصر الغـــــــلابه
اللي حاصل ..مش سحـابه
دول وحوش من قلب غابه
اللي في اللومان ..عصابـه
واللي في الميدان ..ديابــه
أوعوا تدّوهم ..مساحـــــه
*****
ياللي ماسك طوبـــــــــــه
تضرب بيها أخـــــــــوك
ياللي بتولع ....في دارك
ياللي قـِدروا ..يمسخوك
ياللي تاجــروا بإحتياجك
وبفلوسهم..دوخـّـــــــوك
مصر لو وقعت ..يا خويا
يقتلونا ويسلخــــــــــوك
أوعي تزعل من حبايبك
لو حبايبك..وبّخــــــــوك
أنصحك ..واجب عليـــّا
وإنت تسمع ..وبسماحه